இருபதுக்கு – 20 உலகக் கிண்ணத் தொடர் ஒத்திவைப்பு

அவுஸ்திரேலியாவில் இந்த ஆண்டு நடைபெறவிருந்த ஆண்களுக்கான இருபதுக்கு-20 உலகக் கிண்ண  கிரிக்கெட் தொடர் அடுத்த ஆண்டுக்கு ஒத்திவைக்கப்பட்டுள்ளதாக ஐ.சி.சி. உத்தியோகபூர்வமாக இன்று அறிவித்தது.

இருபதுக்கு-20 உலகக் கிண்ண போட்டிகள் அவுஸ்திரேலியாவில் ஒக்டோபர் – நவம்பரில் நடைபெற தீர்மானிக்கப்பட்டிருந்த நிலையில், கொரோனா வைரஸ் தொற்றால் போட்டியை நடத்துவது சாத்தியமில்லை என்று அவுஸ்திரேலிய கிரிக்கெட் சபை கடந்த மாதம் தெரிவித்திருந்தது.

இதனையடுத்து இன்று கூடிய ஐ.சி.சி இந்த முடிவை எடுத்துள்ளது. 

அதன் படி, 

ஐ.சி.சி இருபதுக்கு-20 உலகக் கிண்ண கிரிக்கெட் போட்டி 2021 இல் ஒக்டோபர் – நவம்பர் மாதம் நடைபெறுவதுடன், இறுதிப் போட்டி நவம்பர் 14 ஆம் திகதி நடக்கும் என்றும், 2022 ஆம் ஆண்டு இருபதுக்கு- 20 உலகக் கிண்ணம் அக்டோபர் – நவம்பரில் நடைபெறும் எனவும், இறுதிப் போட்டி நவம்பர் 13 ஆம் திகதி நடக்கும் எனவும் தெரிவித்துள்ளது.

மேலும் 2023 ஆம் ஆண்டில் ஒருநாள் கிரிக்கெட் உலகக் கிண்ணம் இந்தியாவில் ஒக்டோபர் – நவம்பரில் நடைபெறும் என்றும், இறுதிப் போட்டி நவம்பர் 26 ஆம் திகதி நடைபெறும் எனவும் ஐ.சி.சி தெரிவித்துள்ளது.

Check Also

இஸ்ரேலில் நான்காவது டோஸ் தடுப்பூசி செலுத்த பரிசீலனை!

டெல்டா வகை கொரோனாவுக்கு எதிராக போராடுவதற்காக இஸ்ரேல் அரசு பூஸ்டர் டோஸ் தடுப்பூசிகளை செலுத்த முடிவு செய்துள்ளது. உலகளவில் கொரோனா …

You cannot copy content of this page