ராஜபக்ஷ பேரலையும் சுனாமி எதிர்ப்பு சுவரும்

நீங்கள் வைத்திருக்கும் பறவை இறந்துவிட்டதா அல்லது உயிருடன் இருக்கிறதா என்பது எனக்குத் தெரியாது, ஆனால் எனக்குத் தெரிந்த விட யம் என்னவெனில் அது உங்கள் கைகளில் இருக்கின்றது . அது உங்கள் கைகளில் உள்ளது. டோனி மோரிசன் (நோபல் பரிசை ஏற்றுக்கொள்ளும் போது ஆற்றிய உரை)

ராஜபக்ஷக்கள்அவசரத்தில் உள்ளனர். அவர்கள் உருவாக்குவதற்கு ஒரு அரசியலமைப்பு ம் மீள வடிவமைக்க ஒரு நாடும் உள்ளது. தற்போது, இரு இடங்களுக்கும் செல்லும் பாதை அதிசிறப்பானதொரு நெடுஞ்சõலை போல அகலமாகவும் தெளிவாகவும் தெரிகிறது. ஆயினும்கூட, அந்த இணக்கமான மென்மையின் கீழ் பதுங்கியிருப்பது கட்டமைப்பு ரீதியான முரட்டுத்தனமாகும், இது மெதுவாகவும் இறுதியில் ராஜபக்ஷ திட்டத்தை அவிழ்க்கவும் சாத்தியமாகும்.

பாராளுமன்றத் தேர்தலில் ஸ்ரீலங்கா பொதுஜன பெரமுன வின் அலையை ஏற்படுத்திய பூகம்பமே ஐ. தே. க.வின் பிளவு. ஐ. தே. க. பிளவுபடாமல் இருந்திருந்தால், ராஜபக்ஷக்கள் ஒரு சாதாரண பெரும்பான்மையையே வென்றிருப்பார்கள். 2019 ஆம் ஆண்டு ஜனாதிபதித் தேர்தலுக்கும் 2020 பாராளு மன்றத் தேர்தலுக்கும் இடையில் ராஜபக்ஷ ஆதரவுத் தளம் வளர்ச்சியடைந்திருக்கவில்லை . உண்மையில் இது 70,500 க்கும் மேற்பட்ட வாக்குகளால் குறைந்துள்ளது.

எதிர்க்கட்சியில் ஏற்பட்ட பாரிய இழப்புகளைப் பார்க்கும்போது, இது , எண்ணிக்கையிலும், அரசியல் ரீதியாகவும் முக்கிய மற்றதாக தோன்றக்கூடும். ஆனால் போக்கு இங்கு விடயமாகவுள்ளது. கோட்டபய ராஜபக்ஷவின் ஏழு மாதகால ஆட்சி ராஜபக்ஷ ஆதரவு தளத்தை விரிவாக்குவதில் வெற்றிபெறவில்லை மாவட்ட அளவிலான வீழ்ச்சி ஒரு தெளிவான பிரதிமையை வழங்குகிறது. கொழும்பு (53,110), கம்ப ஹா (47,974), காலி (35,709), களுத்துறை (34.221), மாத்தறை (22.264), புத்தளம் (10,194), அம்பாறை (9,046), மட்டக்களப்பு5,044), குருநாகல் (2313),இரத்தினபுரி (1,376), மொனராககலை (629). ஆகிய (11) மாவட்டங்களில் 2019 மற்றும் 2020 க்கு இடையில் எஸ்.எல்.பி.பி.யின் வாக்கு எண்ணிக்கை குறைந்துள்ளது. எஸ்.எல்.பி.பி வாக்கு எண்ணிக்கை அதிகரித்த 11 மாவட்டங்களில், நுவரெலியா (55,261), பொலநறுவை (33,507), மற்றும் பதுளை (33,327) ஆகிய மூன்றும் முன்தள்ளியுள்ளன..

அனுகூலங்கள் மற்றும் இழப்புகளின் முறைமை அறிவுறுத்துதுவதாக அமைந்திருப்பதை சுட்டிக்காட்டுகிறது. ராஜபக்ஷ இழப்புகளில் பெரும்பாலானவை சிங்களபௌத்தர்களை பெரும்பான்மை யாக கொண்ட மாவட்டங்களில் இருந்தன. எஸ்.எல்.பி.பி மற்ற கட்சிகளுடன் உருவாக்கிய கூட்டணிகளின் விளைவாக அவர்களிடமிருந்து முக்கிய அனுகூலங்கள் கிடைத்தன குறிப்பாக இலங்கை தொழிலாளர் காங்கிரஸ் (நுவரெலியா, பதுளை ) மற்றும் ஸ்ரீலங்கா சுதந்திரக்கட்சி (முன்னாள் ஜனாதிபதி மைத்திரிபால சிறிசேனா முன்னுரிமை வாக்கு பட்டியலில் முதலிடம் பிடித்த பொலநறுவை ). ஸ்ரீ.பொது ஜனப ெரமுனவால் தேசிய ரீதியிலான வாக்கு இழப்பை மூன்றில் இரண்டு பங்கு ஆணைக்கு அண்மித்ததாக மாற்ற முடிந்தது. ரணில் விக்ரமசிங்கவோ அல்லது சஜித் பிரேமதாசோ அவர்களுடைய தலைமைத்துவத்திற்கான சண்டை ராஜபக்ஷக்களைத் தவிர வேறு எவரையும் பலப்படுத்த வில்லை என்று கவலைப்படுவதாகத் தோன்றவில்லை.

ரஜபக்ஷக்களுக்கும் அது தெரியும். அதுவும் பொருளாதார நெருக்கடி ஏற்படுவதற்கு முன்னர் நகர வேண்டிய அவசியமும் அதனால்தான் ஆர்வத்துடன் துரிதமாக செயற்படுகின்றனர்., மேலும் புதிய அரசியலமைப்பு தொடர்பான ஒப்பந்தம் இடம்பெறும் வரை அவர்களின் வேகம் நிறுத்தப்படமாட்டாது.

இலங்கையை குடும்ப அரசாக மாற்றுவதற்கான பயணத்தின் முதல் படி 19 வது திருத்தத்தை ஒழிப்பதாகும். இது கோதபய ராஜபக்ஷவின் கரம்களில் அதிக அதிகாரத்தை குவிக்கும் மற்றும் பசில் ராஜபக்ஷ தேசிய பட்டியல் வழியாக பாராளு மன்றத்திற்குள் பிரவேசிக்கஉதவும் (2007 இல் அவர் முதன்முறையாக பாராளும ன்றத்தில் பிரவேசித்தது அப்படித்தான்). சுயாதீன ஆணைக்குழுக்களை குழப்புவதன் மூலம், நீதித்துறையை நிறைவேற்றுதுறைக்கு அடிபணியச் செய்யலாம் மற்றும் நாடு அப்பட்டமாக நியாயமற்ற மற்றும் வன்முறைத் தேர்தல்களுக்கான காலத்திற்கு திரும்பமுடியும்.

19 ஆவது திருத்தத்தை நீக்குவது தவிர்க்க முடியாதது என்றாலும், எதிர்க்கட்சிகள் அந்த நகர்வுக்கு தமது சொந்த ஆபத்தில் மட்டுமே இலவசஅனுமதியை கொடுக்க முடியும். பாராளுமன்றத்திலும் வெளியேயும் 20 வது திருத்தத்திற்கு எதிராக எதிர்க்கட்சி போராட வேண்டும். திருத்தத்தைத் தோற்கடிப்பதற்கான வாக்குகள்
அதற்கு இல்லை, ஆனால் அதை அம்பலப்படுத்தவும் மதிப்பிழக்கசெய்யவுமான ஒரு குரல்அதற்கு உள்ளது. இது நீதித்துறையிடம் முறையிடுவதன் மூலம் சாத்தியமான அளவுக்கு அதிகமானவற்றைக் கொண்டிருக்கலாம். மிகமுக்கியமாக, 19 வது திருத்தத்தின் அனுகூலங்களை பாதுகாப்பது என்பது ஒரு சுலோகமாகும். இது முழு எதிரணியையும் ஒன்றிணைக்கக் கூடிய ஒரு இலக்காகும் . ராஜபக்சஆட்சியைத் தோற்கடிக்க கடினமான ஆனால் அவசியமான நீண்டபோராட்டத்தைத் தொடங்கவேண்டிய இடமாக இதுவுள்ளது..

19 ஆவது திருத்தத்தை பாதுகாப்பதற்காக உற்சாகமான சட்ட, அரசியல் மற்றும் பிரசாரப் போராட்டத்தை மேற்கொள்வது எதிர்க்கட்சிகள்தனிப்பட்டரீதியிலும் தங்கள் தளங்களை வலுப்படுத்தவும் விரிவுபடுதிக்கொள்வதற்குமான ஒரு வழியாகும். ஐக்கிய மக்கள் சக்திக்கு எஸ்.பி.ஜே.க்கு இது பிரதான எதிர்க்கட்சியாக செயல்படுவதற்கான திறனை நிரூபிப்பதற்கான ஒரு சோதனை. தேசிய மக்கள் சக்தியை பொறுத்தவரை ஜே.ஜே.பியைப் பொறுத்தவரை, அது ஜனநாயகத்தை பாதுகாப்பதில் ஒரு தேசிய போராட்டத்தை வழிநடத்த முடியும் என்பதை ராஜபக்ஷ எதிரான இலங்கையர்களுக்கு காண்பிப்பதற்கான ஒரு வாய்ப்பு. வெளியேற்றப்பட்ட ஐ. தே. க. வை பொறுத்தவரை வெறுப்பிலிருந்து விலகி அல்லது தங்கள் வாக்குகளை கெடுத்த வாக்காளர்களை மீண்டும் வென்றெடுப்பதன் மூலம் வாழ்க்கையை மீண்டும் பெறுவதற்கான கடைசி வாய்ப்பை இது வழங்குகிறது.

13 ஆவது திருத்தம், புதிய அரசியலமைப்பு மற்றும் சர்வஜன வாக்கெடுப்பு

19 வது திருத்தத்தை நீக்குவது ஜனாதிபதியை 2010 மற்றும் 2015 க்கு இடையில் இருந்ததைப் போலவே சக்திவாய்ந்ததாக ஆக்கும், ஆனால் ராஜபக்ச நோக்கங்களுக்கு இது போதாது. பழைய அரசியலமைப்பு இரண்டு காரணங்களுக்காக செல்ல வேண்டியுள்ளது. ஒன்று, ஒரு புதிய தேர்தல் முறையின் தேவை, இது ராஜபக்சா க்களுக்கு பாராளுமன்றத்தில் பாரிய பெரும்பான்மையைப் பெற உதவும்.மற்றொன்று 13 ஆவது திருத்தத்திலிருந்து விடுபடவேண்டிய அவசியம். தற்போதுள்ள அரசியலமைப்பு புதிய அரசியலமைப்பாக மாற்றப்பட்டால், 13 வது திருத்தம் இருக்காது. அது போல. 1972 ஆம் ஆண்டில் ஐக்கிய முன்னணி அரசாங்கம் இதைத்தான் செய்தது. 1966 ஆம் ஆண்டில் பிரிவி கவுன்சில் தீர்ப்பில் சிறுபான்மையினரின் உரிமைகள்உறுதிப்படுத்தப்பட்ட ஒரு பிரிவாகக் கொண்டிருப்பதால் சோல்பரி அரசியலமைப்பின் 29 வது பிரிவைநீடித்துச்செல்லும் ஒரு சரத்தென நிலைநிறுத்தியிருந்த நிலையில் , ஐக்கிய முன்னணி அரசாங்கம் பாராளுமன்றத்தை அரசியலமைப்பு நிர்ணய சபையாக மாற்றி புதிய அரசியலமைப்பை சட்டத்தை இயற்றியது..

இலங்கையின் புகழ்பெற்ற வரலாற்றாசிரியர் பேராசிரியர் கே.எம். டி சில்வா சுட்டிக்காட்டிய படி, .ஸ்ரீலங்கா சுதந்திர கட்சி யை பொறுத்தவரை, தீவின் சிங்களபௌத்த ஆதிக்கத்தின் தடையற்ற வெளிப்பாட்டாளர்களாக, ஒரு அரசியலமைப்புச் சபை மூலம் புதிய அரசியலமைப்பை உருவாக்குவதற்கு போதுமான நியாயமாக இது இருக்கும் ( இலங்கை /இலங்கை புதிய குடியரசு அரசியலமைப்பு). கோத்தபாயமகிந்த அரசாங்கம் வெளிப்படையாக சிங்களபௌத்த மேலாதிக்கவாதமானதாகும். ஆனால் அவர்கள் 13 வது திருத்தத்திலிருந்து விடுபட விரும்பும் ஒரேயொரு காரணம்அது அல்ல. அவர்கள் 13 வது திருத்தத்திலிருந்து விடுபட விரும்புகிறார்கள், ஏனெனில் அது அவர்களின் அதிகாரத்தை ஒரு முகப்படுத்துவதற்கு ஒரு தடையாகும்.13 வது திருத்தத்தின் ஜனநாயகமயமாக்கல் அம்சங்கள் பொதுவாக கவனிக்கப்படுவதில்லை. ராஜபக்ஷக்களால் அல்ல. , 2012 ஆம் ஆண்டில் ராஜபக்ஷக்கள் இலங்கை நிர்வாகமொன்றினால் இதுவரை முயற்சிக்கப்படாத மிக மோசமான மற்றும் அநீதியான சட்டத்தை இயற்றுவதை 13 ஆவது திருத்தம் தான்தடுத்தது புனிதப் பிரதேசங்கள் சட்டம் என்று பிரபலமாக அறியப்பட்ட நகர மற்றும் நாடு திட்டமிடல் (திருத்தம்) சட்டம் இயற்றப்படுவதை இத்திருத்தமே தடுத்தது..

இந்த சட்டம் 4 பக்கங்கள் மற்றும் 8 உட்பிரிவுகளைக் கொண்டிருந்தது மற்றும் ராஜபபக்சக்களுக்குஒவ்வொரு அங்குல தனியார் நிலத்தின் மீதும் முழுமையான கட்டுப்பாட்டை வழங்குவதற்காக வரைவு செய்யப்பட்டது. எந்தவொரு நிலத்தையும் கட்டிடத்தையும் , ஒரு பாதுகாப்பு பகுதி, ஒரு கட்டடக்கலை அல்லது வரலாற்று பகுதி அல்லது ஒரு புனித பகுதியென கையகப்படுத்த புத்த சாசன மற்றும் மதவிவகார அமைச்சருக்கு அதிகாரம் அளித்தது, அதற்கு தேவையானது ஒரு இலட்சனை மற்றும் வர்த்தமானி அறிவிதல் மட்டுமே. பாதிக்கப்பட்டவருக்கு சட்டத்தில் எந்த உதவியும் இல்லை. பாராளுமன்றத்தில் ராஜபக்ஷக்களுக்கு
பெரும்பான்மை இருந்தது, இந்தச் சட்டம் ஒரு ஒப்பந்தம் என்று நினைத்தனர்.. ஆனால் மாற்றுக்கொள்கைகளுக்கான நிலையம் சிபிஏ உச்சநீதிமன்றத்தில் மனுத் தாக்கல் செய்தது. பிரதம நீதியரசர் சிராணி பண்டாரநாயக்க தலைமையிலான நீதிபதிகள் குழாம் இந்த சட்டத்திற்கு எதிராக தீர்ப்பளித்தது. 13 வது திருத்தத்தின் கீழ், நிலம் ஒரு பகிர்ந்தளிக்கப்பட்ட விட யம்.. 13 ஆவது திருத்தமானது , பகிர்ந்தளிக்கப்பட்ட விடயங்கள் குறித்த சட்டத்திற்கு அனைத்து மாகாண சபைகளின் ஒப்புதலும் தேவை என்று தெளிவாகக் கூறுகிறது.

உச்சநீதிமன்றம் தனது தீர்ப்பை வழங்கிய போது இந்த சட்டம் ஏற்கனவே பாராளுமன்ற ஒழுங்குப்பத்திரத்தில் இருந்தது. ஆட்சியினால் இந்தச் சட்டமூலம் மாகாண சபைகளுக்கு ஒப்புதலுக்காக அனுப்பப்பட்டது.. இது ஒரு சாதாரண சம்பிரதாயமாகக் காணப்பட்டது, ஏனெனில் வடக்கு மாகாண சபை தற்காலிகமாக இடைநிறுத்தப்பட்டதாக இருந்தது ஏனைய அனைத்து சபைகளும் ஐ. ம. சு. மு. வின் கட்டுப்பாட்டில் இருந்தன. வட மத்திய மாகாண சபை இந்தச் சட்டம் குறித்து விவாதிக்க கால அவகாசத்தை கோரியிருந்தது . கிழக்கு மாகாண சபை அதை ஏற்கமறுத்துவிட்டது. இறுதியில் ராஜபக்ஷக்கள் இந்தச்சட்டமூலத்தை திரும்ப பெறவேண்டிய கட்டாயம் ஏற்பட்டது.

13 ஆவது திருத்தத்திலுள்ள எதேச்சாதிகார எதிர்ப்பு அம்சங்களை ராஜபக்ஷக்கள் கசப்பான அனுபவத்தின் மூலம் அறிவார்கள். புதிய அரசியலமைப்பு 13 ஆவது திருத்தத்தின் மரணத்தை உறுதி செய்யும், ராஜபக்ஷக்கள் அதை அழித்துவிட விசேடமாக முயற்சி செய்யாமல். இந்தியாவை சமாதானப்படுத்தவும்,
தமிழ் தோழமை கட்சிகளுக்கு அத்தி இலை வழங்கவும்மூடி மறைக்கவும் , ராஜபக்சாக்கள் மாகாண சபை முறையை வெறும் மேலோடாக வைத்திருப்பார்கள். (ஒரு புதிய அரசியலமைப்பின் மற்றொரு நன்மை, புனித பகுதிகள் சட்டம் போன்ற விருப்பத்திற்குரிய திட்டங்களை அதில் எழுதும் திறன்). அரசியலமைப்பு ரீதியாக, சர்வஜன வாக்கெடுப்பு இல்லாமல் புதிய அரசியலமைப்பை இயற்ற முடியாது. அந்த இடத்தில்தான் ராஜபக்ஷக்கள் பாதிக்கப்படக்கூடியவர்களாக இருக்க முடியும். ஒரு ஒன்றுபட்ட எதிர்க்கட்சி யால் வாக்கெடுப்பை வென்றெடுப்பது ராஜபக்ஷாக்களுக்கு விலை செலுத்துவதாக மாற்ற முடியும்.

ராஜபக்ஷ எதிர்ப்பு 47% மக்களை ஊக்குவிப்பதற்காக வாக்கெடுப்பைத் திருப்ப முடியும், மேலும் இது ராஜபக்சக்களின் ஆட்சியின் நீண்ட ஆயுளைப் பாதிக்கும். 2025 மற்றொரு 2015 ஆக மாறலாம். மேலும் பயணத்தின் முதல் படி 19 ஆவது திருத்தத்தை பாதுகாக்க எமது சக்தியால் முடிந்த அனைத்தையும் செய்வதாகும்.

எதிர்க்கட்சி எதிர்க்குமா?

பாராளுமன்றத் தேர்தலுக்கு முதல் நாள் உதவி இன்ஸ்பெக்டர் சுகத் மோகன் மெண்டிஸ் கம்பஹா நீதிவான் நீதிமன்றத்தின் முன்னிலையில் ஒரு அறிக்கையை வெளியிட்டார், கொழும்பு குற்றவியல் பிரிவு (சிசிடி) முன்னாள் சிஐடி இயக்குனர் ஷானி அபேசேகராவுக்கு எதிராக சாட்சியங்களை தயாரிக்க அழுத்தம் கொடுத்ததாக குற்றம் சாட்டினார். அவர் ஒத்துழைக்காவிட்டால் அவரை சிறையில் அடைப்பதாக சிசிடி அச்சுறுத்தியதாக ,அவர் கூறினார். எஸ்.ஐ. மெண்டிஸ் தன்னையும் சீருடையும் அவமதிக்க மறுத்துவிட்டார். மேலும் அவர் கைது செய்யப்பட்டார்.

ஆச்சரியம் என்னவென்றால், எதிர்க்கட்சியின் மௌனமும் செயலற்ற தன்மையுமாகும். இப்போது தேர்தல் முடிந்துவிட்டதால், புதிய எதிர்க்கட்சி இந்த குற்றச்சாட்டுகளை பாராளு ளுமன்றத்தில் காண்பித்து விவாதத்தை கோருகுமா? வடக்கில், நில அபகரிப்பு ஏற்கனவே தொடங்கிவிட்டது. யாழ்ப்பாணத்தில், ஆகஸ்ட் 20 ஆம் திகதி , கடற்படை கண்காணிப்புப் பணிக்காக மீனவருக்குச் சொந்தமான 15 பேர்ச் நிலத்தை கடற்படை கைப்பற்ற முயன்றது. பொதுமக்களின் எதிர்ப்பு இப்போதைக்கு.இந்த செயலைத் தடுத்தது. ஆனால் புதிய அரசியலமைப்பு வந்தவுடன், புனிதப்பகுதிகள் சட்டத்தின் விதிகள் அதில் எழுதப்பட்டால், நாட்டில் எங்கும் இதுபோன்ற நில அபகரிப்பு என்பது சட்டபூர்வமாக மாறும்.

அந்த பேரழிவு ஏற்படும் வரை எதிர்க்கட்சிகள் காத்திருக்கப் போகின்றனவா?

ஜனாதிபதி கோத்தாபய சங்க ஆலோசனைக் குழுவின் கருத்துக்களின் அடிப்படையில் இராஜாங்க அமைச்சுக்கள் கட்டமைக்கப்பட்டுள்ளன என்று கூறினார். இது சில அமைச்சுகளின் நகைச் சுவையான தன்மையை விளக்குகிறது. புத்த சாசன , மத மற்றும் கலாசார விவகார அமைச்சின் கீழ் கிறிஸ்தவ, இந்து மற்றும் இஸ்லாமிய மத விவகாரங்கள் சிங்கள பௌத்த அமைச்சரவை மற்றும் இராஜாங்க அமைச்சர்களுடன் இடம் பெற்றுள்ளன. பெண்கள் மற்றும் சிறுவர்கள் என்ற வி ட ய ம் அ ø ம ச் ச ர ø வ அ ø ம ச் சி லிருந்து இராஜாங்க அமைச்சிற்கு தரமிறக்கப்பட்டு கல்வி அமைச்சின் கீழ் வைக்கப்பட்டு அதன் நோக்கம் குறைகிறது. அதன் அமைச்சர் எந்த வேறுபாடும் இல்லாதவர், எந்தவொரு விடயதானத்தையும்கையாள்வதற்கான தெளிவான தகுதி இல்லை. தரமிறக்கப்பட்ட பிற விடயங்களில் வறுமை ஒழிப்பு (சமுர்த்தி) மற்றும் சமூக மேம்பாடு ஆகியவை அடங்கும். தகவல் தொழில்நுட்பம் இருப்பற் ற நிலையில் தரமிறக்கப்பட்டுள்ளது.

பாதுகாப்பு அமைச்ச்சு தொல்பொருள் துறை உட்பட 23 நிறுவனங்களை அதன் நேரடி கண்காணிப்பில் கொண்டுள்ளது. உள்துறை விவகாரங்களும் பாதுகாப்பு அமைச்சு டன் இணைக்கப்பட்டு, அதன் கட்டுப்பாட்டின்கீழ் மாவட்ட மற்றும் பிரதேச செயலகங்கள் வருகின்றன (அத்துடன் பொலிஸ் துறை ) . புதிய வெளியுறவு செயலாளர் ஓய்வு பெற்ற இராணுவ அதிகாரி. இராணுவமயமாக்கல் வேகத்தை திரட்டியுள்ளது. ஆனால் இது ராஜபக்ச குணாதிசயங்களைக் கொண்ட இராணுவமயமாக்கல். சிங்களபௌத்த மதகுருமார்கள் கருவியாகப் பயன்படுத்தப்படுவதைப் போலவே இராணுவமும் கருவியாக உள்ளது. ராஜபக்சாக்கள்தான் கட்டுப்பாட்டில் உள்ளனர்.

ராஜபக்ஷக்களுக்கு அவர்களின் முன்னுரிமைகள் தெரியும். 19 வது திருத்தத்திலிருந்து விடுபடுவது இலங்கையை ஒரு குடும்ப அரசாக மாற்றுவதற்கு தேவையான முன்நிபந்தனையாகும். அந்த நடவடிக்கையை எதிர்ப்பது பாராளுமன்ற எதிர்ப்பை மட்டுமல்லாமல், கரு ஜெயசூரியா, மங்கள சமரவீர, சுனில் ஹந்துநெத்தி மற்றும் சந்திரிகா பண்டாரநாயக்க குமாரதுங்க , தொழிற்சங்கங்கள் மற்றும் சிவில் சமூக அமைப்புகள் மற்றும் 2019 ல் சஜித் பிரேமதாசாவுக்கு வாக்களித்த47% இலங்கையர்களையும் உள்ளடக்கிய பரந்த கூடாரத்தை உருவாக்க உதவும். 2019 ல் சஜித் பிரேமதாசாவுக்கு வாக்களித்தமை அவர் விரும்பிய ஜனாதிபதியாக இருந்ததால் அல்ல, ராஜபக்ஷ அலைகளைத் தாண்டி சுனாமி எதிர்ப்பு சுவரைக் கட்ட விரும்பினால், 19 ஆவது திருத்தத்தை பாதுகாத்து 20 வது திருத்தத்தை எதிர்ப்பதன் மூலம் அந்த வேலையை தொடங்க வேண்டும்.

கொழும்பு டெலிகிராப் (திசாராணி குணசேகர)