Friday , May 26 2017

முகத்திரை அணிய இஸ்லாமிய பெண்களுக்கு தடை: புதிய சட்டம் அமுலாகியது

ஆஸ்திரியா நாட்டில் இஸ்லாமிய பெண்கள் முகத்திரை அணிய தடை விதிக்கும் புதிய சட்டம் அமுலுக்கு வந்துள்ளதாக தகவல்கள் வெளியாகியுள்ளன.

ஆஸ்திரியாவில் உள்ள இஸ்லாமிய பெண்கள் பொது இடங்களில் முகத்திரை அணிய தடை விதிக்க புதிய சட்டம் கொண்டு வரப்படும் என அரசு ஏற்கனவே அறிவித்திருந்தது.

அரசின் இந்த அறிவிப்பை எதிர்த்து இஸ்லாமிய பெண்கள் கடந்த பெப்ரவரி மாதம் மாபெரும் போராட்டம் ஒன்றை நடத்தினர்.

ஆனால், இப்போராட்டத்திற்கு செவி சாய்க்காத அரசு தற்போது புதிய சட்டத்தை அமுலாக்கியுள்ளது.

இப்புதிய சட்டத்தின் அடிப்படையில், பொது இடங்களில் இஸ்லாமிய பெண்கள் முகத்திரை அணிய தடை விதிக்கப்பட்டுள்ளது.

இஸ்லாமிய பெண்கள் இச்சட்டத்தை மீறினால் எதிர்வரும் அக்டோபர் மாதம் முதல் 130 பவுண்ட் அபராதம் விதிக்கப்படும்.

இதுமட்டுமில்லாமல், ஆஸ்திரியாவில் புகலிடம் கோரி காத்திருக்கும் புலம்பெயர்ந்தவர்களுக்கும் இப்பதிய சட்டத்தின் கீழ் கட்டுப்பாடுகள் விதிக்கப்பட்டுள்ளன.

அதாவது, புகலிடம் கோரும் அகதிகள் இனிமேல் அரசாங்கம் ஏற்பாடு செய்து தரும் ஒருங்கிணைப்பு வகுப்புகளுக்கு தொடர்ந்து 12 மாதங்கள் செல்ல வேண்டும்.

இந்த வகுப்புகளில் ஆஸ்திரியா நாட்டின் பாரம்பரியம், வரலாறு, சட்டத்திட்டங்கள் என அனைத்தும் கற்பிக்கப்படும்.

மேலும், அகதிகள் ஊதியம் இல்லாமல் சில காலம் பணி செய்தால் மட்டுமே அவர்களுக்கு புகலிடம் கிடைக்க வாய்ப்புள்ளதாக தகவல்கள் வெளியாகியுள்ளன.