Wednesday , November 22 2017

பாரிய இழப்பை நெருங்க போகும் பேஸ்புக் நிறுவனம்!

பாரிய இழப்பை நெருங்க போகும் பேஸ்புக் நிறுவனம்!

சமூக வலைத்தளமான பேஸ்புக் நிறுவனத்தின் இயக்குனர்கள் குழுவில் இருந்து நிறுவனர் மார்க் ஜுக்கர்பெர்க் அவர்களை நீக்க வேண்டும் என்று பங்குதாரர்கள் கூறிவருகின்றனர்.

2012-ம் ஆண்டு முதல் இயக்குனர்கள் குழுவில் உள்ள ஜுக்கர்பெர்கினை நீக்கிவிட்டுச் சிறந்த நிறுவன ஆளுமை மற்றும் பங்குதாரர் சார்பு செயற்திட்டங்களைச் செயல்படுத்த முடியும் என்பதற்கு ஏற்றவாறு ஒரு தலைவரை மாற்ற இருப்பதாக வெஞ்சர்பீட் அறிக்கை கூறுகின்றது.

இதற்கான விதையைச் சம்ஆப்அஸ் என்ற பங்குதாரர்கள் குழுவே எடுத்துள்ளதாகக் கூறப்படுகின்றது. சம்ஆப்அஸ் என்பது இணையதளக் குழுவாகும், இது நிறுவனங்களில் உள்ள மிகப் பெரிய பிரச்சனைகளின் கணக்கு, ஊழியர்களின் உரிமை, ஊழல் போன்றவற்றைக் கண்காணிக்கும் பிரிவு ஆகும்.

இண்டெல் நிறுவனத்தின் முன்னால் தலைவர் ஆண்ட்ரூ குரோவ் இது பற்றிக் கூறுகையில் இரண்டு வேலையாகப் பிரிப்பது நிறுவனத்தின் இதயம் போன்றது.

சிஈஓ என்றால் ஒரு நிறுவனத்தின் ஊழியரா அல்லது சிஈஓ-க்கு நிழல் நிறுவனமா..? சிஈஓ ஊழியர் என்றால் அவருக்கு முதலாளி தேவை, இயக்குனர்கள் குழு முதலாளியாக இருப்பார்கள், தலைவர் இயக்குனர்கள் குழுவை இயக்குவார். எனவே சிஈஓ எப்படி முதலாளியாக இருக்க முடியும்? என்று கேட்டுள்ளார்.

வெஞ்சர்பீட் அறிக்கை வெளிவரக் காரணமாக 3,33,000 நபர்கள் மார்க் ஜுக்கர்பெர்க்-ஐ இயக்குனர் குழுவில் இருந்து நீக்க வேண்டும் என்று மனு தாக்கல் செய்யப்பட்டதே ஆகும்.

இதில் குறிப்பிட வேண்டியது என்னவென்றால் 1,500 பேரிடம் மட்டும் தான் அதிகப்படியான பங்குள் உள்ளன.

இதனால் பேஸ்புக் நிறுவனத்தின் நிறுவனர் மற்றும் சிஈஓ மார்க் ஜுக்கர்பெர்க்கிற்கு மிகப் பெரிய சிக்கல் ஏற்பட்டுள்ளது.

மேலும் இது போன்ற மிகப் பெரிய முடிவை எடுக்கக் காரணம் மிகப் பெரிய சமூக வலைத்தளமான பேஸ்புக் இப்போது நட்டம் அடைந்து வருவதாகவும் கூறப்படுகின்றது.

இரண்டு பொறுப்புகள் ஒருவரிடமே இருப்பது நிறுவனத்தின் வளர்ச்சியைப் பாதிக்கும் வகையில் இருப்பதாகவும், பங்குதாரர்களின் மதிப்பைப் பாதிக்கும் என்றும் வெஞ்சர்பீட் கூறியுள்ளது.

மேலும் ஒற்றைக் குழு தலைமை பேஸ்புக் நிறுவனத்தில் இருப்பதினால் தவறாக வழிநடத்தும் செய்தி, தணிக்கை, வெறுக்கத்தக்கப் பேச்சு, பேஸ்புக் பயன்பாட்டில் கூறப்படும் குறைபாடுகள், சமூக வரையறைகளைப் வழிகாட்டுதல்கள் மற்றும் உள்ளடக்கக் கொள்கைகளால் பெரிதளவில் விமர்சனம் செய்யப்பட்டு வருகின்றது என்ற்ம் அறிக்கையில் குறிப்பிடப்பட்டுள்ளது.

இதே போன்று ஒரு முறை ஆப்பிள் நிறுவனத்தில் இருந்து ஸ்டீவ் ஜாப்ஸ் வெளியேற்றப்பட்டதும் குறிப்பிடத்தக்கது. இதே போன்று இந்தியாவின் பிளிப்கார்ட் நிறுவனர்களுக்கும் அதிகாரம் இல்லாத பதவிகள் அளிக்கப்பட்டுள்ளது.

The post appeared first on Akuranatoday.com